वैदिक विश्व प्रश्नोत्तर मंजुषा - सुखी जीवनासाठी

प्रश्न क्र. 29 :- सुखी मानवी जीवनासाठी काय आवश्यक आहे ?

अनादी काळापासून मानव सुखी होण्यासाठी धडपडतोय. अगदी आपल्या ऋषी-मुनी पासून ते आजच्या विज्ञानाच्या संशोधना पर्यंत मानव सुखासाठी निरनिराळे संशोधन करून मानवास सुख कसे प्राप्त होईल याचा सतत प्रयत्न झाला आहे, होत आहे. तरी पण अजून मानव सुखी झाला की नाही हा संशोधनाचा विषय ठरतो. कारण कालानुरूप मानवांची सुखाची परिभाषा बदलत गेली. सुख अर्थात 'सु' म्हणजे उत्तम आणि 'खं' म्हणजे आकाश. याचा अर्थ असा की जे उत्तम उच्च आकाशतत्व आहे ते साधने द्वारे प्राप्त करतो ते परम सुख होय. पण मानव क्षणिक सुखामागे धावत सुटला. खऱ्या आत्मिक सुख-शांती पासून लांब होत गेला. याचा अर्थ असा की भौतिक जगात सुख नाही. म्हणून सुखी मानवी जीवनासाठी काय आवश्यक आहे असा प्रश्न साहजिकच पडतो. यावर समाधान बघू.

 मानवी जीवनाची रचना शास्त्रीय आधारावर करून संपूर्ण मानवजीवन ज्ञानमय करणे याला 'वैदिक जीवन' अर्थात् 'वैदिकता' असे म्हणतात. 'विद्' म्हणजे ज्ञान प्राप्त करणे व 'वैदिक' म्हणजे प्राप्त ज्ञानानुसार जीवन यापन करणे. केवळ पुस्तके वाचून, प्रवचने किंवा व्याख्याने ऐकून आणि आचाराशिवाय केवळ विचार ठेवून नव्हे तर सुयोग्य साधना करुन व तद्नुसार आचरणामुळे ज्ञान प्राप्त होत असते. असा विचार तद्नुसार आचरण करून मानव सुखी होत आहे. सर्व महापुरुषांनी ज्ञानमय जीवन जगून त्याप्रमाणे सामाजिक शिकवण दिली आहे. ती आपण आचरणात आणण्याचा प्रयत्न केला तर नक्कीच मानव सुख अनुभवू शकतो. सुखी होऊ शकतो.

भौतिक अथवा जड जगताबद्दलच्या ज्ञानाला विज्ञान म्हणतात तर सुयोग्य चिंतन आणि अध्यात्मिक साधनांद्वारे जी अनुभूती प्राप्त होते त्याला ज्ञान म्हणतात. सुखी मानवी जीवनासाठी ज्ञान आणि विज्ञान दोन्ही आवश्यक आहेत. याकरिता आपल्या दैनंदिन जीवनात वैदिक साधना करणे आवश्यक आहे. जसे शरीर, मन स्वास्थ्यासाठी योगासने व प्राणायाम करतो. तसे आत्मिक उन्नतीसाठी ध्यान साधना आवश्यक आहे. भक्तिमार्गात नामस्मरणास खूप महत्व आहे, तर योगमार्गातील दीपक त्राटक, ओंकार षट्चक्र भेदन (ध्यान-प्रक्रिया), अवयव ध्यान म्हणजे योगनिद्रा करून जीवन समृध्द करायचे नित खऱ्या आत्मिक शांतीचा अनुभव घ्यायचा ! मानवी हित व सुख खरे तर यातच सामावलेले आहे !   

            

*संदर्भ :-  वैदिक विश्व परिकल्पना - योगी मनोहर*    

                     

शब्दांकन :- अशोक जी सोनार.

मो.क्र. 8149044910

 

प्रश्नांची उत्तरे मिळविण्यासाठी संपर्क साधा. साधनेतील योग रहस्ये जाणण्यासाठी खालील लिंक सबस्क्राईब करा.

 

https://youtube.com/channel/UCCR6ms15mfZsv1E-CJ6hKGA

 

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

सद्गुरु योगिराज मनोहर हरकरे जीवन चरित्र - योगनिद्रा (अवयव ध्यान)

------------------------------------- योगनिद्रा (अवयव ध्यान) ------------------------------------- योगनिद्रा म्हणजे योग्यांची निद्रा. याला कोणी शवासन म्हणतात, परंतु ते चुकीचे आहे. शवासनात श्रेष्ठ योगी आपल्या शरीरातून बाहेर निघून आपलेच शव आपल्या दिव्य डोळ्यांनी स्वतःच पाहू शकतो. योगनिद्रा करताना अवयव ध्यान केले जाते. अवयव ध्यानाने साधक अशा जागृत निद्रेत जातो की, साधकाचे शरीर तर निद्रावश होते, परंतु साधकाचा जीवात्मा जागृत असतो. यालाच योगनिद्रा असे म्हणतात. आपल्या शरीरामध्ये बरेच अवयव आहेत त्या प्रत्येक अवयवावर ध्यान केंद्रित करून व नंतर त्यावरून ध्यान काढून दुसऱ्या अवयवावर ध्यान केंद्रीत करणे, परत त्यावरून ध्यान काढून तिसऱ्या अवयवावर ध्यान केंद्रित करणे. याप्रमाणे प्रथम उजव्या पायाचे सर्व अवयव, नंतर डाव्या पायाचे सर्व अवयव, त्यानंतर उजव्या हाताच्या अंगठ्या पासून खांद्यापर्यंतचे सर्व अवयव, तसेच डाव्या हाताचे सर्व अवयव, त्यानंतर मुख्य शरीराचे (धडाचे) सर्व अवयवांवर एकानंतर दुसरा अवयव असे ध्यान करून शेवटी 'सहस्रार' चक्रावर म्हणजेच डोक्यावर मधोमध ध्यान केंद्रित करून त्यामध्येच ध्यानमग...
अधिक वाचा

सद्गुरु योगिराज मनोहर हरकरे जीवन चरित्र - ज्ञानदानाचे महान कार्य

 ------------------------------------------------ ज्ञानदानाचे महान कार्याला सुरुवात ------------------------------------------------ योगी मनोहरांची आध्यात्मिक साधना तर काही वर्षांपूर्वीच पूर्ण झाली होती. पंचतत्त्वांची साकार निराकार अनुभूती, कुंडलिनी जागृती, अनेक देव-देवतांची दर्शने, अनेक आध्यात्मिक मंत्रसिद्धी, विश्वाचे मूळ कृष्णविवर व महाशून्य अवस्थेचा अनुभव, समाधी अवस्था, शवासन साधना, संपूर्ण विश्वाचे ज्ञान होणे, पूर्वजन्मस्मृती अशा अनेक आध्यात्मिक अनुभूती योगी मनोहरांनी प्रत्यक्षपणे घेतल्यामुळे त्यांचे आध्यात्मिक जीवन आता संपूर्ण ज्ञानाने परिपूर्ण असे झाले होते. त्यांना अष्टसिद्धी प्राप्त झाल्या होत्या. आध्यात्मिक क्षेत्रातील एक अधिकारी पुरुष म्हणून सर्व त्यांना ओळखू लागले होते. योगी मनोहरांनी आता प्राप्त केलेल्या ज्ञानाचा समाज कल्याणासाठी उपयोग करण्याचे ठरविले. इथूनच एका महान कार्याची (वैदिक विश्व) सुरुवात होणार होती. प्राप्त केलेले ज्ञान समाजाला देण्याचे महान कार्य महर्षी वाल्मिकी, वेद व्यास, आद्य शंकराचार्य, ज्ञानेश्वर माउली इत्यादी महान पुरुषांनी सदैव केले. हीच शृंखला पुढे ...
अधिक वाचा

वैदिक विश्व प्रश्नोत्तर मंजुषा - चित्त, मन व बुद्धी

  प्रश्न क्र. 33 :- चित्त, मन व बुद्धी यांना परमार्थ साधनेमध्ये बरेच महत्त्व आहे,   त्यांचा परस्पर संबंध कसा येतो ? तसेच अहंकाराचे उगम स्थान वरील कशात आहे ?   चित्त :-   प्रत्येकांत परमेश्वराचा अंश असतो. आत्म्यातील परमेश्वराचे उच्च अस्तित्व म्हणजे चित्त. पाण्याच्या बुडबुड्यांत ज्याप्रमाणे संपूर्ण पाण्याचेच स्वरूप असते. तसे विश्वातील चैतन्याचे आकलन चित्ताने होते. चित्ताचे दर्शन म्हणजेच परमेश्वरदर्शन. मन :- चित्ताच्या खालची अवस्था म्हणजे मन. शरीराला धरून संस्कारांमुळे जी अवस्था प्राप्त होते. त्या अवस्थेस मन म्हणता येईल. शांत पाण्यात दगड फेकल्याने कंपने निर्माण होतात. त्याचप्रमाणे संस्कारानुसार मनात कंपने निर्माण होतात. चांगली कंपने निर्माण होण्यासाठी सुसंस्कार आवश्यक असतात. मन शांत झाले की चित्त शांत होते. शुद्ध मनामुळे विकल्प निर्माण न होता आत्मदर्शन घडते. म्हणून मनावर सुसंस्कार व्हावेत. संकल्प आणि विकल्प हा मनाचा धर्म आहे. बुद्धी :- मनाच्या वर बुद्धी असते. बुद्धी म्हणजे काय ? उपनिषद सांगतात आत्मानं रथिनं विद्धि शरीरं रथमेव तु ।   बुद्धिं तु सारथिं विद्धि...
अधिक वाचा