वैदिक विश्व प्रश्नोत्तर मंजुषा - उत्तम साधक / श्रीराम जन्म

 प्रत्येक साधकाच्या मनात काहीतरी अध्यात्मिक प्रश्न असतातच. काहीवेळेस त्यांची उत्तर सापडतातच असे नाही. अशा अनुत्तरित प्रश्नांनी आपल्या साधना जीवनात काहीशा अडकाठी येऊ शकतात. त्यातून मार्ग सापडत नाही. "एकमेकां सहाय्य करू अवघे धरू सुपंथ" या उक्तीप्रमाणे एक एक प्रश्नचिन्ह सोडवत आपणा सर्वांना पुढे जायचे आहे.

 प्रश्न क्र. 1 :- उत्तम साधक होण्यासाठी काय करावे ?

  उत्तर :- गुरूवर अढळ निष्ठा ठेवावी.

 उत्तर सोपे असते पण आचरणात आणणेसाठी गुरुचीच कृपा व्हावी लागते. यातून पुन्हा एक प्रश्न निर्माण होतो की "गुरुकृपा होणेसाठी काय करावे ?" या भूतलावर असा कुणी नसेल की त्याला काही प्रश्न नाही.

प्रश्न क्र. 2 :- श्रीराम जन्म त्यांचे आदर्श चरित्र आणि साधना जीवनातील अनुभूती यांचा संबंध आहे का ?

 चैत्र शुक्ल नवमीला श्रीराम जन्म म्हणजेच रामनवमी आपण साजरी करतो. सहस्रावधी वर्षे झाली तरी तो आम्ही पाळतो आहोत. रामाचा आदर्श जगाला मान्य आहे. आज पुन्हा जगाला रामासारख्या आदर्श चरित्राची आवश्यकता आहे. त्यासाठी साधनेशिवाय पर्याय नाही. साधना जीवनाच्या कालात येणाऱ्या अनुभवाचे वर्णन, गुह्य अर्थाने कथारुपचरित्र ऋषी वाल्मिकींनी लिहलेल्या रामायण ग्रंथात आहे. त्याचा आपल्या जीवनात व साधनकालात बहुमूल्य आदर्शवत व मार्गदर्शक आहेच.

 चैत्र प्रतिपदेला पिंडातील घटात ज्याची स्थापना केली तो रामनवमीच्या दिवशी ऐन माध्यान्याचे वेळी जन्माला येतो. घटाघटांना आनंद देणारी राम शक्ती अवस्था रामाचे श्यामल रूपानें पृथ्वीवर अवतीर्ण होते. याच रामाने भूमीतून म्हणजे पृथ्वी तत्त्वातून वर आलेल्या सीतेचे स्वयंवररूपाने लग्न केले स्वयंवराकरता श्रीरामाने ज्या शिव धनुष्याचा भंग केला, ते शिवधनुष्य म्हणजे साधकाचा मेरुदंड होय. ते शिवधनुष्य दोन ठिकाणी भंग पावून त्याचे तीन तुकडे झाले होते. अतिशय उच्च अशा योग साधकांना शिवधनुष्याच्या या तीन तुकड्यांचा अनुभव येत असतो. हे काही काल्पनिक नसून खऱ्या साधकाला या अतिउच्च अवस्थेचा अनुभव हा येतोच. आपल्यातील आत्माराम दिसून येतो. म्हणून रामायणकार “रमयते इति रामः !” असे नामोल्लेख करतात.

याच सारखे कथारूपवर्णन संपूर्ण रामायणात आहे. या दृष्टीने विचार करून ते आपल्या आयुष्यात व साधनेतील अनुभूतीच्या संबंधित आहे.

संदर्भ :- वैदिक संणाचे योग रहस्य - योगी मनोहर

शब्दांकन :- अशोक जी सोनार.

मो.क्र. 8149044910

साधनेतील योग रहस्ये जाणण्यासाठी खालील लिंक सबस्क्राईब करा. धन्यवाद !

https://youtube.com/channel/UCCR6ms15mfZsv1E-CJ6hKGA

 

 

 

 

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

सद्गुरु योगिराज मनोहर हरकरे जीवन चरित्र - योगनिद्रा (अवयव ध्यान)

------------------------------------- योगनिद्रा (अवयव ध्यान) ------------------------------------- योगनिद्रा म्हणजे योग्यांची निद्रा. याला कोणी शवासन म्हणतात, परंतु ते चुकीचे आहे. शवासनात श्रेष्ठ योगी आपल्या शरीरातून बाहेर निघून आपलेच शव आपल्या दिव्य डोळ्यांनी स्वतःच पाहू शकतो. योगनिद्रा करताना अवयव ध्यान केले जाते. अवयव ध्यानाने साधक अशा जागृत निद्रेत जातो की, साधकाचे शरीर तर निद्रावश होते, परंतु साधकाचा जीवात्मा जागृत असतो. यालाच योगनिद्रा असे म्हणतात. आपल्या शरीरामध्ये बरेच अवयव आहेत त्या प्रत्येक अवयवावर ध्यान केंद्रित करून व नंतर त्यावरून ध्यान काढून दुसऱ्या अवयवावर ध्यान केंद्रीत करणे, परत त्यावरून ध्यान काढून तिसऱ्या अवयवावर ध्यान केंद्रित करणे. याप्रमाणे प्रथम उजव्या पायाचे सर्व अवयव, नंतर डाव्या पायाचे सर्व अवयव, त्यानंतर उजव्या हाताच्या अंगठ्या पासून खांद्यापर्यंतचे सर्व अवयव, तसेच डाव्या हाताचे सर्व अवयव, त्यानंतर मुख्य शरीराचे (धडाचे) सर्व अवयवांवर एकानंतर दुसरा अवयव असे ध्यान करून शेवटी 'सहस्रार' चक्रावर म्हणजेच डोक्यावर मधोमध ध्यान केंद्रित करून त्यामध्येच ध्यानमग...
अधिक वाचा

सद्गुरु योगिराज मनोहर हरकरे जीवन चरित्र - ज्ञानदानाचे महान कार्य

 ------------------------------------------------ ज्ञानदानाचे महान कार्याला सुरुवात ------------------------------------------------ योगी मनोहरांची आध्यात्मिक साधना तर काही वर्षांपूर्वीच पूर्ण झाली होती. पंचतत्त्वांची साकार निराकार अनुभूती, कुंडलिनी जागृती, अनेक देव-देवतांची दर्शने, अनेक आध्यात्मिक मंत्रसिद्धी, विश्वाचे मूळ कृष्णविवर व महाशून्य अवस्थेचा अनुभव, समाधी अवस्था, शवासन साधना, संपूर्ण विश्वाचे ज्ञान होणे, पूर्वजन्मस्मृती अशा अनेक आध्यात्मिक अनुभूती योगी मनोहरांनी प्रत्यक्षपणे घेतल्यामुळे त्यांचे आध्यात्मिक जीवन आता संपूर्ण ज्ञानाने परिपूर्ण असे झाले होते. त्यांना अष्टसिद्धी प्राप्त झाल्या होत्या. आध्यात्मिक क्षेत्रातील एक अधिकारी पुरुष म्हणून सर्व त्यांना ओळखू लागले होते. योगी मनोहरांनी आता प्राप्त केलेल्या ज्ञानाचा समाज कल्याणासाठी उपयोग करण्याचे ठरविले. इथूनच एका महान कार्याची (वैदिक विश्व) सुरुवात होणार होती. प्राप्त केलेले ज्ञान समाजाला देण्याचे महान कार्य महर्षी वाल्मिकी, वेद व्यास, आद्य शंकराचार्य, ज्ञानेश्वर माउली इत्यादी महान पुरुषांनी सदैव केले. हीच शृंखला पुढे ...
अधिक वाचा

वैदिक विश्व प्रश्नोत्तर मंजुषा - चित्त, मन व बुद्धी

  प्रश्न क्र. 33 :- चित्त, मन व बुद्धी यांना परमार्थ साधनेमध्ये बरेच महत्त्व आहे,   त्यांचा परस्पर संबंध कसा येतो ? तसेच अहंकाराचे उगम स्थान वरील कशात आहे ?   चित्त :-   प्रत्येकांत परमेश्वराचा अंश असतो. आत्म्यातील परमेश्वराचे उच्च अस्तित्व म्हणजे चित्त. पाण्याच्या बुडबुड्यांत ज्याप्रमाणे संपूर्ण पाण्याचेच स्वरूप असते. तसे विश्वातील चैतन्याचे आकलन चित्ताने होते. चित्ताचे दर्शन म्हणजेच परमेश्वरदर्शन. मन :- चित्ताच्या खालची अवस्था म्हणजे मन. शरीराला धरून संस्कारांमुळे जी अवस्था प्राप्त होते. त्या अवस्थेस मन म्हणता येईल. शांत पाण्यात दगड फेकल्याने कंपने निर्माण होतात. त्याचप्रमाणे संस्कारानुसार मनात कंपने निर्माण होतात. चांगली कंपने निर्माण होण्यासाठी सुसंस्कार आवश्यक असतात. मन शांत झाले की चित्त शांत होते. शुद्ध मनामुळे विकल्प निर्माण न होता आत्मदर्शन घडते. म्हणून मनावर सुसंस्कार व्हावेत. संकल्प आणि विकल्प हा मनाचा धर्म आहे. बुद्धी :- मनाच्या वर बुद्धी असते. बुद्धी म्हणजे काय ? उपनिषद सांगतात आत्मानं रथिनं विद्धि शरीरं रथमेव तु ।   बुद्धिं तु सारथिं विद्धि...
अधिक वाचा