वैदिक विश्व प्रश्नोत्तर मंजुषा - चमत्कार

प्रश्न क्र. 50 :- काकाजी, योगीजन जे अनेक प्रकारचे चमत्कार करतात. (उदा. हातातून रक्षा काढणे वगैरे) यात कितपत तथ्य आहे? आपण असे प्रकार करता का किंवा याअगोदर करीत होतात का ?

(योगीराज मनोहरजी हरकरे यांना एका साधकाने आपल्या मनातील विचारलेला प्रश्न व त्याला पूज्य काकाजींनी दिलेलं रोखठोक व वैज्ञानिक संदर्भ देऊन आणि आध्यत्मिक दाखला देवून दिलेले उत्तर.)

 'चमत्कार' हा शब्द च+मत+कार या उप-शब्दांनी बनलेला शब्द ! यातील 'च' हा वर्ण विशेषतः 'विश्वास' दर्शवितो. 'मत' म्हणजे मत (इंग्रजीत opinion) आणि 'कार' हा शब्द केलेल्या कर्मानुसार आलेली अनुभूति दर्शवितो. अर्थात् चमत्कार म्हणजे साधकाच्या कर्मानुसार आलेल्या सत्य अनुभूतींवर दृढ विश्वासाने मांडलेले मत होय. या दृष्टीने साधनेत एकाला जे अनुभव येतील तसलेच अनुभव दुसऱ्या साधकाला त्याच मार्गाने गेला तर यायलाच हवेत. विज्ञानात योग्य प्रमाणात हैड्रोजन व ऑक्सिजन यांच्या संयोगाने पाणी तयार होते, पण त्या प्रयोगात जर थोडी जरी चुक झाली तर हैड्रोजन पैराऑक्साईड तयार होईल. हे प्रयोगांती सिद्ध झालेले मत आहे. त्याचे मत हेच खरे म्हणजे मनाची निष्ठा दृढ ठेवणे, याला चमत्कार म्हणतात. विभूति वगैरे काढणे हा केवळ भ्रम, अहंकार असतो. दर क्षणाला परमेश्वर किती चमत्कार करतो. परमेश्वर शून्यातून विश्व निर्माण करतो, हाही चमत्कारच आहे. खरे योगी चमत्कार दाखवीत नाहीत. त्यांच्या मनाच्या विवक्षित अवस्थेमुळे लोकांना तसे अनुभव येतात. इंद्रधनुष्य कायम दिसत नाही. एका विशिष्ट कोनातच ते दिसते. सूर्य प्रकाशतो - प्रकाश देत नाही.

महापुरुषांच्या संगतीमध्ये उच्च अवस्थेमध्ये अनुभव येतात. योगी मनोहरांना एकदा एकाने विचारले की, "काकाजी ! तुम्ही हे चमत्कार कसे केले ?" त्यांनी उत्तर दिले, "मी काही केले नाही. ज्ञानेश्वर माउलीने ते माझ्याकडून करवून घेतले." विभूती काढणे वगैरे हातचलाखीचे प्रकार आहे, भास आहे. चमत्काराच्या मागे लागू नये. खरा साधक साधनेचे अंग झाकून ठेवतो.

मी पूर्वी मिठाई वगैरे काढत होतो पण ती दुसऱ्याच्या हातात निघत होती. पण ही पिशाच साधना आहे, हे कळल्या- वर हे प्रयोग बंद केले. पिशाच साधना करणारा मेल्यावर पिशाच योनीत जातो.

 परमेश्वर चमत्कारांपासून करोडो कोसो दूर आहे. चमत्कार दाखवून व्यवहार सोडायला लावणे योग्य नाही. चमत्काराने विभूती काढायची. मग हजारो भाकऱ्या काढल्या तर भूकेल्यांची भूक तरी भागेल, पण ते नाही ना काढता येत. म्हणून खोट्या प्रतिष्ठेच्या मागे लागू नये.

संदर्भ :- योगीराज मनोहर हरकरे व साधकांतील प्रश्नोत्तराच्या संवादातील एक प्रश्न

शब्दांकन :- अशोक जी सोनार.

मो.क्र. 8149044910

प्रश्नांची उत्तरे मिळविण्यासाठी संपर्क साधा. साधनेतील योग रहस्ये जाणण्यासाठी खालील लिंक सबस्क्राईब करा.

 https://vaidik-vishwa.blogspot.com/

https://youtube.com/channel/UCCR6ms15mfZsv1E-CJ6hKGA

 

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

सद्गुरु योगिराज मनोहर हरकरे जीवन चरित्र - योगनिद्रा (अवयव ध्यान)

------------------------------------- योगनिद्रा (अवयव ध्यान) ------------------------------------- योगनिद्रा म्हणजे योग्यांची निद्रा. याला कोणी शवासन म्हणतात, परंतु ते चुकीचे आहे. शवासनात श्रेष्ठ योगी आपल्या शरीरातून बाहेर निघून आपलेच शव आपल्या दिव्य डोळ्यांनी स्वतःच पाहू शकतो. योगनिद्रा करताना अवयव ध्यान केले जाते. अवयव ध्यानाने साधक अशा जागृत निद्रेत जातो की, साधकाचे शरीर तर निद्रावश होते, परंतु साधकाचा जीवात्मा जागृत असतो. यालाच योगनिद्रा असे म्हणतात. आपल्या शरीरामध्ये बरेच अवयव आहेत त्या प्रत्येक अवयवावर ध्यान केंद्रित करून व नंतर त्यावरून ध्यान काढून दुसऱ्या अवयवावर ध्यान केंद्रीत करणे, परत त्यावरून ध्यान काढून तिसऱ्या अवयवावर ध्यान केंद्रित करणे. याप्रमाणे प्रथम उजव्या पायाचे सर्व अवयव, नंतर डाव्या पायाचे सर्व अवयव, त्यानंतर उजव्या हाताच्या अंगठ्या पासून खांद्यापर्यंतचे सर्व अवयव, तसेच डाव्या हाताचे सर्व अवयव, त्यानंतर मुख्य शरीराचे (धडाचे) सर्व अवयवांवर एकानंतर दुसरा अवयव असे ध्यान करून शेवटी 'सहस्रार' चक्रावर म्हणजेच डोक्यावर मधोमध ध्यान केंद्रित करून त्यामध्येच ध्यानमग...
अधिक वाचा

सद्गुरु योगिराज मनोहर हरकरे जीवन चरित्र - ज्ञानदानाचे महान कार्य

 ------------------------------------------------ ज्ञानदानाचे महान कार्याला सुरुवात ------------------------------------------------ योगी मनोहरांची आध्यात्मिक साधना तर काही वर्षांपूर्वीच पूर्ण झाली होती. पंचतत्त्वांची साकार निराकार अनुभूती, कुंडलिनी जागृती, अनेक देव-देवतांची दर्शने, अनेक आध्यात्मिक मंत्रसिद्धी, विश्वाचे मूळ कृष्णविवर व महाशून्य अवस्थेचा अनुभव, समाधी अवस्था, शवासन साधना, संपूर्ण विश्वाचे ज्ञान होणे, पूर्वजन्मस्मृती अशा अनेक आध्यात्मिक अनुभूती योगी मनोहरांनी प्रत्यक्षपणे घेतल्यामुळे त्यांचे आध्यात्मिक जीवन आता संपूर्ण ज्ञानाने परिपूर्ण असे झाले होते. त्यांना अष्टसिद्धी प्राप्त झाल्या होत्या. आध्यात्मिक क्षेत्रातील एक अधिकारी पुरुष म्हणून सर्व त्यांना ओळखू लागले होते. योगी मनोहरांनी आता प्राप्त केलेल्या ज्ञानाचा समाज कल्याणासाठी उपयोग करण्याचे ठरविले. इथूनच एका महान कार्याची (वैदिक विश्व) सुरुवात होणार होती. प्राप्त केलेले ज्ञान समाजाला देण्याचे महान कार्य महर्षी वाल्मिकी, वेद व्यास, आद्य शंकराचार्य, ज्ञानेश्वर माउली इत्यादी महान पुरुषांनी सदैव केले. हीच शृंखला पुढे ...
अधिक वाचा

वैदिक विश्व प्रश्नोत्तर मंजुषा - चित्त, मन व बुद्धी

  प्रश्न क्र. 33 :- चित्त, मन व बुद्धी यांना परमार्थ साधनेमध्ये बरेच महत्त्व आहे,   त्यांचा परस्पर संबंध कसा येतो ? तसेच अहंकाराचे उगम स्थान वरील कशात आहे ?   चित्त :-   प्रत्येकांत परमेश्वराचा अंश असतो. आत्म्यातील परमेश्वराचे उच्च अस्तित्व म्हणजे चित्त. पाण्याच्या बुडबुड्यांत ज्याप्रमाणे संपूर्ण पाण्याचेच स्वरूप असते. तसे विश्वातील चैतन्याचे आकलन चित्ताने होते. चित्ताचे दर्शन म्हणजेच परमेश्वरदर्शन. मन :- चित्ताच्या खालची अवस्था म्हणजे मन. शरीराला धरून संस्कारांमुळे जी अवस्था प्राप्त होते. त्या अवस्थेस मन म्हणता येईल. शांत पाण्यात दगड फेकल्याने कंपने निर्माण होतात. त्याचप्रमाणे संस्कारानुसार मनात कंपने निर्माण होतात. चांगली कंपने निर्माण होण्यासाठी सुसंस्कार आवश्यक असतात. मन शांत झाले की चित्त शांत होते. शुद्ध मनामुळे विकल्प निर्माण न होता आत्मदर्शन घडते. म्हणून मनावर सुसंस्कार व्हावेत. संकल्प आणि विकल्प हा मनाचा धर्म आहे. बुद्धी :- मनाच्या वर बुद्धी असते. बुद्धी म्हणजे काय ? उपनिषद सांगतात आत्मानं रथिनं विद्धि शरीरं रथमेव तु ।   बुद्धिं तु सारथिं विद्धि...
अधिक वाचा