सद्गुरु योगिराज मनोहर हरकरे जीवन चरित्र - पूर्वजन्माचा दृष्टान्त

 ----------------------------

पूर्वजन्माचा दृष्टान्त

----------------------------

कृष्ण दर्शनानंतर, योगी मनोहरांना पूर्वजन्माच्या स्मृतीची दिव्य अनुभूती आली. पस्तिशीच्या वयातील एका दिव्य पुरुषाचे दर्शन त्यांना नेहमी होऊ लागले. त्या दिव्य पुरुषाचे दर्शन त्यांना ते स्नानाला बसल्यावर होत असे. स्नानाच्या वेळेस त्या दिव्य पुरुषाची आकृती त्यांचेपुढे साकारत असे. त्या दिव्य पुरुषाचे शरीर सुंदर असून गौर वर्णाचे होते व कुरळे केसांसोबत तशीच दाढीमिशी त्यास होती. या दिव्य पुरुषाच्या दर्शनाचे वेळेस योगी मनोहरांचा जीव अतिशय घाबरत असे. त्या दिव्य पुरुषाचे दर्शन पुढे त्यांना बराच काळ होत राहिले. मात्र तो दिव्य पुरुष कोण असावा याचे ज्ञान मात्र त्यांना होत नव्हते. पुढे माउलींच्या कृपेने योगी मनोहरांना याचा उलगडा झाला. तो दिव्य पुरुष म्हणजे त्यांचा स्वतःचाच मागील जन्म होता. त्यांचा मागील जन्म सातशे वर्षांपूर्वी भारताच्या नेफा भागात झाला होता. ते योगीपुरुष असून त्या भागातच (हिमालयात) तपस्या करत होते. त्यांच्या त्या मागील जन्माचे रूप त्यांना या दिव्य योगीपुरुषाच्या रूपाने दिसत होते. पूर्वजन्माची स्मृती झाल्यावर मात्र पुन्हा त्या दिव्य पुरुषाचे असे दर्शन त्यांना पुढे झाले नाही. म्हणजे जवळपास ज्ञानदेवांच्या काळानंतर योगी मनोहरांचा पूर्वजन्म हिमालयात झाला होता आणि त्यानंतर सातशे वर्षांनंतर त्यांचा हा जन्म झाला होता. पुढे योगी मनोहरांनी अनेक वर्षांनी पुनर्जन्माचा सिध्दान्तच त्यांच्या 'जन्म- मृत्यू रहस्य' या ग्रंथात मांडला. जन्म- पुनर्जन्मावर इतक्या शास्त्रशुध्द पध्दतीने लिहिला गेलेला हा विश्वातील पहिलाच ग्रंथ होता.


-डाॅ. दत्ताजी हरकरे.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

सद्गुरु योगिराज मनोहर हरकरे जीवन चरित्र - योगनिद्रा (अवयव ध्यान)

------------------------------------- योगनिद्रा (अवयव ध्यान) ------------------------------------- योगनिद्रा म्हणजे योग्यांची निद्रा. याला कोणी शवासन म्हणतात, परंतु ते चुकीचे आहे. शवासनात श्रेष्ठ योगी आपल्या शरीरातून बाहेर निघून आपलेच शव आपल्या दिव्य डोळ्यांनी स्वतःच पाहू शकतो. योगनिद्रा करताना अवयव ध्यान केले जाते. अवयव ध्यानाने साधक अशा जागृत निद्रेत जातो की, साधकाचे शरीर तर निद्रावश होते, परंतु साधकाचा जीवात्मा जागृत असतो. यालाच योगनिद्रा असे म्हणतात. आपल्या शरीरामध्ये बरेच अवयव आहेत त्या प्रत्येक अवयवावर ध्यान केंद्रित करून व नंतर त्यावरून ध्यान काढून दुसऱ्या अवयवावर ध्यान केंद्रीत करणे, परत त्यावरून ध्यान काढून तिसऱ्या अवयवावर ध्यान केंद्रित करणे. याप्रमाणे प्रथम उजव्या पायाचे सर्व अवयव, नंतर डाव्या पायाचे सर्व अवयव, त्यानंतर उजव्या हाताच्या अंगठ्या पासून खांद्यापर्यंतचे सर्व अवयव, तसेच डाव्या हाताचे सर्व अवयव, त्यानंतर मुख्य शरीराचे (धडाचे) सर्व अवयवांवर एकानंतर दुसरा अवयव असे ध्यान करून शेवटी 'सहस्रार' चक्रावर म्हणजेच डोक्यावर मधोमध ध्यान केंद्रित करून त्यामध्येच ध्यानमग...
अधिक वाचा

सद्गुरु योगिराज मनोहर हरकरे जीवन चरित्र - ज्ञानदानाचे महान कार्य

 ------------------------------------------------ ज्ञानदानाचे महान कार्याला सुरुवात ------------------------------------------------ योगी मनोहरांची आध्यात्मिक साधना तर काही वर्षांपूर्वीच पूर्ण झाली होती. पंचतत्त्वांची साकार निराकार अनुभूती, कुंडलिनी जागृती, अनेक देव-देवतांची दर्शने, अनेक आध्यात्मिक मंत्रसिद्धी, विश्वाचे मूळ कृष्णविवर व महाशून्य अवस्थेचा अनुभव, समाधी अवस्था, शवासन साधना, संपूर्ण विश्वाचे ज्ञान होणे, पूर्वजन्मस्मृती अशा अनेक आध्यात्मिक अनुभूती योगी मनोहरांनी प्रत्यक्षपणे घेतल्यामुळे त्यांचे आध्यात्मिक जीवन आता संपूर्ण ज्ञानाने परिपूर्ण असे झाले होते. त्यांना अष्टसिद्धी प्राप्त झाल्या होत्या. आध्यात्मिक क्षेत्रातील एक अधिकारी पुरुष म्हणून सर्व त्यांना ओळखू लागले होते. योगी मनोहरांनी आता प्राप्त केलेल्या ज्ञानाचा समाज कल्याणासाठी उपयोग करण्याचे ठरविले. इथूनच एका महान कार्याची (वैदिक विश्व) सुरुवात होणार होती. प्राप्त केलेले ज्ञान समाजाला देण्याचे महान कार्य महर्षी वाल्मिकी, वेद व्यास, आद्य शंकराचार्य, ज्ञानेश्वर माउली इत्यादी महान पुरुषांनी सदैव केले. हीच शृंखला पुढे ...
अधिक वाचा

वैदिक विश्व प्रश्नोत्तर मंजुषा - चित्त, मन व बुद्धी

  प्रश्न क्र. 33 :- चित्त, मन व बुद्धी यांना परमार्थ साधनेमध्ये बरेच महत्त्व आहे,   त्यांचा परस्पर संबंध कसा येतो ? तसेच अहंकाराचे उगम स्थान वरील कशात आहे ?   चित्त :-   प्रत्येकांत परमेश्वराचा अंश असतो. आत्म्यातील परमेश्वराचे उच्च अस्तित्व म्हणजे चित्त. पाण्याच्या बुडबुड्यांत ज्याप्रमाणे संपूर्ण पाण्याचेच स्वरूप असते. तसे विश्वातील चैतन्याचे आकलन चित्ताने होते. चित्ताचे दर्शन म्हणजेच परमेश्वरदर्शन. मन :- चित्ताच्या खालची अवस्था म्हणजे मन. शरीराला धरून संस्कारांमुळे जी अवस्था प्राप्त होते. त्या अवस्थेस मन म्हणता येईल. शांत पाण्यात दगड फेकल्याने कंपने निर्माण होतात. त्याचप्रमाणे संस्कारानुसार मनात कंपने निर्माण होतात. चांगली कंपने निर्माण होण्यासाठी सुसंस्कार आवश्यक असतात. मन शांत झाले की चित्त शांत होते. शुद्ध मनामुळे विकल्प निर्माण न होता आत्मदर्शन घडते. म्हणून मनावर सुसंस्कार व्हावेत. संकल्प आणि विकल्प हा मनाचा धर्म आहे. बुद्धी :- मनाच्या वर बुद्धी असते. बुद्धी म्हणजे काय ? उपनिषद सांगतात आत्मानं रथिनं विद्धि शरीरं रथमेव तु ।   बुद्धिं तु सारथिं विद्धि...
अधिक वाचा