सद्गुरु योगिराज मनोहर हरकरे जीवन चरित्र - कुंडलिनी जागृती

 ----------------------------------------------

कुंडलिनी जागृतीचा दिव्य अनुभव

----------------------------------------------

आमची आई शालिनीताई सावलीसारखी मनोहररावांच्या संपूर्ण जीवनात, सुख- दुःखाच्या काळात सोबत राहिली. शालिनीताईंनी मनोहररावांची जी ही आठवण सांगितली त्यावरून मनोहररावांचा हा कालावधी कुंडलिनी जागृतीचा असावा असा अंदाज येतो. शालिनीताईंनी सांगितले की मनोहररावांची साधना जोरात सुरू होती. तासन-तास ध्यानसाधना, सिध्दासनसाधना, त्राटकसाधना व असे अनेक योगांचे प्रकार मनोहरराव करू लागले होते.

अशातच एक दिवस अचानक त्यांना शरीराचा दाह होऊ लागला. जीव घाबरू लागला. सारखे मळमळून उलटीसारखे वाटू लागले. हळूहळू हा सर्व त्रास वाढतच गेला. वैद्यांना दाखविले, डॉक्टरांना दाखविले. त्यांना या सगळ्याचे कारण समजेना. कारण वरवर मनोहररावांची तब्येत ठीक वाटत होती. कशामुळे हा त्रास आहे हे समजत नव्हते. त्रास वाढतच होता. शेवटी हा त्रास इतका वाढला की सहन करणे कठीण झाले. शरीराचा अतिशय दाह होऊ लागला. त्यांना अन्न, पाणी, खाणे, पिणे काही चांगले वाटेनासे झाले. शालिनीताईंना काळजी वाटू लागली. मनोहररावांचा जीव इतका घाबरु लागला की जीव जातो की काय असे त्यांना वाटू लागले. शालिनीताईंनी पूजा, व्रतवैकल्ये सुरू केली. शेवटी एक दिवस थोड़ा त्रास कमी झाल्यासारखा वाटू लागला. हळूहळू त्रास कमी होत गेला आणि एक दिवस प्रकृती शांत झाली. आमची आई शालिनीताई सांगत असे की आमच्या बाबांची ही साक्षात अग्निपरीक्षाच होती. आईने या काळात बाबांना प्रत्येक क्षणी सांभाळले होते. हो, ही बाबांची अग्निपरीक्षाच होती! कुंडलिनी जागृतीची अग्निपरीक्षा!

नंतर काही दिवसांनी बाबांना कळले की हा सर्व अनुभव म्हणजे कुंडलिनी शक्तीच्या जागृतीचा दाहक, जटिल अनुभव होता. नंतर सर्व शांत झाले. आई (शालिनीताई) सांगते की आमचे बाबा पहिलेपेक्षा जास्त सुंदर दिसू लागले. त्यांची कांती तेजःपुंज दिसू लागली. चेहरा प्रसन्न व तेजस्वी दिसू लागला. ते उत्तम गायक असल्याने त्यांचे गाणेही आता स्वर्गीय वाटू लागले. त्यांचे बोलणे लडिवाळ, लाघवी वाटू लागले. बराच वेळ ते एका दिव्य तंद्रावस्थेत असल्यासारखे वाटू लागले. त्यांचे संपूर्ण व्यक्तिमत्त्वच सुंदर, लोभस आणि दिव्य वाटू लागले. ते गाण्यामध्ये नवनवीन प्रयोग करू लागले. गाता-गाता भावसमाधीत जाऊ लागले. घरच्या वृक्षवेलींना गाणे ऐकवू लागले. त्यांच्या गाण्यातून विधायक परिणाम दिसू लागले. त्यांना अनेक प्रकारच्या सिध्दी प्राप्त झाल्या. त्यांचे संपूर्ण व्यक्तिमत्त्वच एक तेजःपुंज व्यक्तिमत्त्व, योग्याचे व्यक्तिमत्त्व वाटू लागले.


-डाॅ. दत्ताजी हरकरे.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

सद्गुरु योगिराज मनोहर हरकरे जीवन चरित्र - योगनिद्रा (अवयव ध्यान)

------------------------------------- योगनिद्रा (अवयव ध्यान) ------------------------------------- योगनिद्रा म्हणजे योग्यांची निद्रा. याला कोणी शवासन म्हणतात, परंतु ते चुकीचे आहे. शवासनात श्रेष्ठ योगी आपल्या शरीरातून बाहेर निघून आपलेच शव आपल्या दिव्य डोळ्यांनी स्वतःच पाहू शकतो. योगनिद्रा करताना अवयव ध्यान केले जाते. अवयव ध्यानाने साधक अशा जागृत निद्रेत जातो की, साधकाचे शरीर तर निद्रावश होते, परंतु साधकाचा जीवात्मा जागृत असतो. यालाच योगनिद्रा असे म्हणतात. आपल्या शरीरामध्ये बरेच अवयव आहेत त्या प्रत्येक अवयवावर ध्यान केंद्रित करून व नंतर त्यावरून ध्यान काढून दुसऱ्या अवयवावर ध्यान केंद्रीत करणे, परत त्यावरून ध्यान काढून तिसऱ्या अवयवावर ध्यान केंद्रित करणे. याप्रमाणे प्रथम उजव्या पायाचे सर्व अवयव, नंतर डाव्या पायाचे सर्व अवयव, त्यानंतर उजव्या हाताच्या अंगठ्या पासून खांद्यापर्यंतचे सर्व अवयव, तसेच डाव्या हाताचे सर्व अवयव, त्यानंतर मुख्य शरीराचे (धडाचे) सर्व अवयवांवर एकानंतर दुसरा अवयव असे ध्यान करून शेवटी 'सहस्रार' चक्रावर म्हणजेच डोक्यावर मधोमध ध्यान केंद्रित करून त्यामध्येच ध्यानमग...
अधिक वाचा

सद्गुरु योगिराज मनोहर हरकरे जीवन चरित्र - ज्ञानदानाचे महान कार्य

 ------------------------------------------------ ज्ञानदानाचे महान कार्याला सुरुवात ------------------------------------------------ योगी मनोहरांची आध्यात्मिक साधना तर काही वर्षांपूर्वीच पूर्ण झाली होती. पंचतत्त्वांची साकार निराकार अनुभूती, कुंडलिनी जागृती, अनेक देव-देवतांची दर्शने, अनेक आध्यात्मिक मंत्रसिद्धी, विश्वाचे मूळ कृष्णविवर व महाशून्य अवस्थेचा अनुभव, समाधी अवस्था, शवासन साधना, संपूर्ण विश्वाचे ज्ञान होणे, पूर्वजन्मस्मृती अशा अनेक आध्यात्मिक अनुभूती योगी मनोहरांनी प्रत्यक्षपणे घेतल्यामुळे त्यांचे आध्यात्मिक जीवन आता संपूर्ण ज्ञानाने परिपूर्ण असे झाले होते. त्यांना अष्टसिद्धी प्राप्त झाल्या होत्या. आध्यात्मिक क्षेत्रातील एक अधिकारी पुरुष म्हणून सर्व त्यांना ओळखू लागले होते. योगी मनोहरांनी आता प्राप्त केलेल्या ज्ञानाचा समाज कल्याणासाठी उपयोग करण्याचे ठरविले. इथूनच एका महान कार्याची (वैदिक विश्व) सुरुवात होणार होती. प्राप्त केलेले ज्ञान समाजाला देण्याचे महान कार्य महर्षी वाल्मिकी, वेद व्यास, आद्य शंकराचार्य, ज्ञानेश्वर माउली इत्यादी महान पुरुषांनी सदैव केले. हीच शृंखला पुढे ...
अधिक वाचा

वैदिक विश्व प्रश्नोत्तर मंजुषा - चित्त, मन व बुद्धी

  प्रश्न क्र. 33 :- चित्त, मन व बुद्धी यांना परमार्थ साधनेमध्ये बरेच महत्त्व आहे,   त्यांचा परस्पर संबंध कसा येतो ? तसेच अहंकाराचे उगम स्थान वरील कशात आहे ?   चित्त :-   प्रत्येकांत परमेश्वराचा अंश असतो. आत्म्यातील परमेश्वराचे उच्च अस्तित्व म्हणजे चित्त. पाण्याच्या बुडबुड्यांत ज्याप्रमाणे संपूर्ण पाण्याचेच स्वरूप असते. तसे विश्वातील चैतन्याचे आकलन चित्ताने होते. चित्ताचे दर्शन म्हणजेच परमेश्वरदर्शन. मन :- चित्ताच्या खालची अवस्था म्हणजे मन. शरीराला धरून संस्कारांमुळे जी अवस्था प्राप्त होते. त्या अवस्थेस मन म्हणता येईल. शांत पाण्यात दगड फेकल्याने कंपने निर्माण होतात. त्याचप्रमाणे संस्कारानुसार मनात कंपने निर्माण होतात. चांगली कंपने निर्माण होण्यासाठी सुसंस्कार आवश्यक असतात. मन शांत झाले की चित्त शांत होते. शुद्ध मनामुळे विकल्प निर्माण न होता आत्मदर्शन घडते. म्हणून मनावर सुसंस्कार व्हावेत. संकल्प आणि विकल्प हा मनाचा धर्म आहे. बुद्धी :- मनाच्या वर बुद्धी असते. बुद्धी म्हणजे काय ? उपनिषद सांगतात आत्मानं रथिनं विद्धि शरीरं रथमेव तु ।   बुद्धिं तु सारथिं विद्धि...
अधिक वाचा