सद्गुरु योगिराज मनोहर हरकरे जीवन चरित्र - महालक्ष्मीचा दृष्टान्त

 

------------------------------

महालक्ष्मीचा दृष्टान्त

------------------------------

शालिनीताई सर्व सणवार श्रध्देने करत. त्या वेळेस आजचेप्रमाणे कुकिंग गॅसची सोय नव्हती की वीजेची शेगडीही नव्हती. साधी लोखंडी शेगडी असे व त्यात लाकडी कोळसा जाळून त्यावर स्वयंपाक केला जात असे. शालिनीताई संपूर्ण कुटुंबाचा स्वयंपाक, शिवाय आल्यागेल्याचे खाणेपिणे सर्व या शेगडीवर करत असत. सर्व सणावारांचा स्वयंपाक याच शेगडीवर होत असे. शालिनीताई सुगरण होत्या. त्यांच्या हातच्या स्वयंपाकाची गोडी अवीट होती. आवळी भोजनाला त्या आम्हा मुलांना आवळीच्या झाडाखाली स्वयंपाक करून जेवू घालत असत. त्या पूर्ण सणवार श्रध्देने आणि नियमितपणे करत असत.

आमच्या हरकरे घराण्याचा महालक्ष्मीचा सण, आमचे मोठे काकांकडे होत असे. असाच एके वर्षी महालक्ष्मीचा सण आला असता बाबांना (मनोहररावांना) महालक्ष्मीचा दृष्टान्त झाला. महालक्ष्मी बसते तो दिवस होता. आम्हा सगळ्यांना पूजेला काकांकडे जायचे होते. परंतु सकाळ आटोपली तरी काकांकडचा काहीच निरोप आला नाही. आईबाबांना काळजी लागली. बाबा चिंताग्रस्त मनस्थितीत असता त्यांना प्रत्यक्षपणे महालक्ष्मीचे दर्शन झाले. ते दिव्य अद्भुत दर्शन होते. त्यांना दिसले की साक्षात महालक्ष्मी देवता लखलख करत समोरच्या दाराने आमच्या घरात आली आणि लखलख प्रकाशात मागच्या दाराने निघून गेली. बाबा काही क्षण त्याच अवस्थेत स्तब्ध होते. थोड्या वेळाने देहभान आल्यावर घडलेला महालक्ष्मी दृष्टान्ताचा प्रकार आमच्या आईला सांगितला. आईलाही ते आश्चर्यकारक 'वाटले. थोड्याच वेळात आमच्या काकांकडून निरोप आला की त्या दिवशी काही कारणाने त्यांचेकडे महालक्ष्म्या मांडल्याही नाहीत आणि पूजाही झाली नाही. बाबांना झालेल्या दृष्टान्ताचा संबंध या घटनेशी आहे हे आमच्या आईबाबांनी तत्काळ ओळखले. आईला सुचेना की आता काय करावे. आमची आजी (आईची आई) आमच्या बंगल्यात राहात असे. तिला आईने ताबडतोब झालेला प्रकार सांगितला. आजीने आईला सांगितले, “झाले ते झाले. आता तू ताबडतोब विड्याच्या पानावर अष्टगंधाने महालक्ष्मीच्या प्रतिमा ज्येष्ठा- कनिष्ठा काढ आणि त्यांची रितसर पूजा करून प्रसाद दाखव." आईने ताबडतोब आजीने सांगितल्याप्रमाणे विड्याच्या पानावर चंदन व अष्टगंधाने ज्येष्ठा-कनिष्ठांची प्रतिमा काढून त्यांची पूजा केली आणि स्वयंपाक करून नैवेद्य महालक्ष्मीला दाखविला. या प्रकारानंतर त्या वर्षीपासून आमचेकडे महालक्ष्मीची पूजा त्याच प्रतिमापूजनाच्या रूपाने दर वर्षी होत राहिली. आमचे बाबांना (मनोहरराव) झालेला महालक्ष्मीचा दृष्टान्त आणि त्याला पोषक असा आमच्या आईचा (शालिनीताई) भाविक स्वभाव या सुंदर संयोगाने महालक्ष्मीचे दरवर्षी पूजन करण्याचे आम्हाला भाग्य मिळाले. धन्य आमचे आईबाबा, शालिनीताई आणि मनोहरराव ! त्यांच्या आठवणीने आजही जीव व्याकूळ होतो.


-डाॅ. दत्ताजी हरकरे.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

सद्गुरु योगिराज मनोहर हरकरे जीवन चरित्र - योगनिद्रा (अवयव ध्यान)

------------------------------------- योगनिद्रा (अवयव ध्यान) ------------------------------------- योगनिद्रा म्हणजे योग्यांची निद्रा. याला कोणी शवासन म्हणतात, परंतु ते चुकीचे आहे. शवासनात श्रेष्ठ योगी आपल्या शरीरातून बाहेर निघून आपलेच शव आपल्या दिव्य डोळ्यांनी स्वतःच पाहू शकतो. योगनिद्रा करताना अवयव ध्यान केले जाते. अवयव ध्यानाने साधक अशा जागृत निद्रेत जातो की, साधकाचे शरीर तर निद्रावश होते, परंतु साधकाचा जीवात्मा जागृत असतो. यालाच योगनिद्रा असे म्हणतात. आपल्या शरीरामध्ये बरेच अवयव आहेत त्या प्रत्येक अवयवावर ध्यान केंद्रित करून व नंतर त्यावरून ध्यान काढून दुसऱ्या अवयवावर ध्यान केंद्रीत करणे, परत त्यावरून ध्यान काढून तिसऱ्या अवयवावर ध्यान केंद्रित करणे. याप्रमाणे प्रथम उजव्या पायाचे सर्व अवयव, नंतर डाव्या पायाचे सर्व अवयव, त्यानंतर उजव्या हाताच्या अंगठ्या पासून खांद्यापर्यंतचे सर्व अवयव, तसेच डाव्या हाताचे सर्व अवयव, त्यानंतर मुख्य शरीराचे (धडाचे) सर्व अवयवांवर एकानंतर दुसरा अवयव असे ध्यान करून शेवटी 'सहस्रार' चक्रावर म्हणजेच डोक्यावर मधोमध ध्यान केंद्रित करून त्यामध्येच ध्यानमग...
अधिक वाचा

सद्गुरु योगिराज मनोहर हरकरे जीवन चरित्र - ज्ञानदानाचे महान कार्य

 ------------------------------------------------ ज्ञानदानाचे महान कार्याला सुरुवात ------------------------------------------------ योगी मनोहरांची आध्यात्मिक साधना तर काही वर्षांपूर्वीच पूर्ण झाली होती. पंचतत्त्वांची साकार निराकार अनुभूती, कुंडलिनी जागृती, अनेक देव-देवतांची दर्शने, अनेक आध्यात्मिक मंत्रसिद्धी, विश्वाचे मूळ कृष्णविवर व महाशून्य अवस्थेचा अनुभव, समाधी अवस्था, शवासन साधना, संपूर्ण विश्वाचे ज्ञान होणे, पूर्वजन्मस्मृती अशा अनेक आध्यात्मिक अनुभूती योगी मनोहरांनी प्रत्यक्षपणे घेतल्यामुळे त्यांचे आध्यात्मिक जीवन आता संपूर्ण ज्ञानाने परिपूर्ण असे झाले होते. त्यांना अष्टसिद्धी प्राप्त झाल्या होत्या. आध्यात्मिक क्षेत्रातील एक अधिकारी पुरुष म्हणून सर्व त्यांना ओळखू लागले होते. योगी मनोहरांनी आता प्राप्त केलेल्या ज्ञानाचा समाज कल्याणासाठी उपयोग करण्याचे ठरविले. इथूनच एका महान कार्याची (वैदिक विश्व) सुरुवात होणार होती. प्राप्त केलेले ज्ञान समाजाला देण्याचे महान कार्य महर्षी वाल्मिकी, वेद व्यास, आद्य शंकराचार्य, ज्ञानेश्वर माउली इत्यादी महान पुरुषांनी सदैव केले. हीच शृंखला पुढे ...
अधिक वाचा

वैदिक विश्व प्रश्नोत्तर मंजुषा - चित्त, मन व बुद्धी

  प्रश्न क्र. 33 :- चित्त, मन व बुद्धी यांना परमार्थ साधनेमध्ये बरेच महत्त्व आहे,   त्यांचा परस्पर संबंध कसा येतो ? तसेच अहंकाराचे उगम स्थान वरील कशात आहे ?   चित्त :-   प्रत्येकांत परमेश्वराचा अंश असतो. आत्म्यातील परमेश्वराचे उच्च अस्तित्व म्हणजे चित्त. पाण्याच्या बुडबुड्यांत ज्याप्रमाणे संपूर्ण पाण्याचेच स्वरूप असते. तसे विश्वातील चैतन्याचे आकलन चित्ताने होते. चित्ताचे दर्शन म्हणजेच परमेश्वरदर्शन. मन :- चित्ताच्या खालची अवस्था म्हणजे मन. शरीराला धरून संस्कारांमुळे जी अवस्था प्राप्त होते. त्या अवस्थेस मन म्हणता येईल. शांत पाण्यात दगड फेकल्याने कंपने निर्माण होतात. त्याचप्रमाणे संस्कारानुसार मनात कंपने निर्माण होतात. चांगली कंपने निर्माण होण्यासाठी सुसंस्कार आवश्यक असतात. मन शांत झाले की चित्त शांत होते. शुद्ध मनामुळे विकल्प निर्माण न होता आत्मदर्शन घडते. म्हणून मनावर सुसंस्कार व्हावेत. संकल्प आणि विकल्प हा मनाचा धर्म आहे. बुद्धी :- मनाच्या वर बुद्धी असते. बुद्धी म्हणजे काय ? उपनिषद सांगतात आत्मानं रथिनं विद्धि शरीरं रथमेव तु ।   बुद्धिं तु सारथिं विद्धि...
अधिक वाचा